داعش نے ماسکو میں کنسرٹ پر حملے کی ویڈیو اور مبینہ حملہ آوروں کی تصویر جاری کر دی
داعش کی طرف سے یہ ویڈیو اور تصویر سوشل میڈیا پلیٹ فارم ‘ٹیلی گرام’ سے پوسٹ کی گئی ہے۔
ویڈیو میں دیکھا جا سکتا ہے کہ حملہ آور سٹی ہال کی لابی میں نظر آرہے ہیں۔ جہاں پر کنسرٹ جاری تھا۔ حملہ آوروں نے متعدد برسٹ فائر کیے ہیں۔ متعدد لاشیں گریں۔ اس میں یہ بھی دیکھا جا سکتا ہے کہ فائرنگ ہال کی عقبی سائیڈ سے شروع کی گئی۔
بظاہر یہ ویڈیو بندوق برداروں نے خود بنائی ہے جو کنسرٹ کے شرکاء پر حملہ آور ہوئے تھے۔
واضح رہے داعش نے حملے ذمہ داری قبول کی تھی ۔
حملے میں 133 شہری مارے گئے ہیں۔ مغربی ملکوں میں سے کسی ملک کی سرزمین پر داعش کا یہ سب سے زیادہ خوفناک اور ہلاکت خیز حملہ تھا۔
دوسری جانب کریملن کی طرف سے بتایا گیا ہے اس حملے کے بعد 11 افراد کو گرفتار کر لیا گیا ہے۔ جن میں سے 4 کے بارے میں شبہ ہے کہ وہ اس حملے کا باقاعدہ حصہ تھے۔