سعودی عرب کی حکومت نے عمرے کے لیے آنے والوں کو ہدایت کی ہے کہ وہ ممنوع اشیا لانے سے گریز کریں۔
متعلقہ ہدایات کی خلاف ورزی کے مرتکب افراد کو کوئی خطرناک چیز لانے پر کارروائی کا سامنا ہوسکتا ہے۔
تفصیلات کے مطابق سعودی عرب کی وزارتِ حج نے ایک بیان میں بتایا ہے کہ پٹاخےبھی ممنوع اشیا میں شامل ہیں۔ لیزر، پٹاخے، جعلی کرنسی اور غیر رجسٹرڈ دوائیں بھی نہیں لائی جاسکتیں۔
وزارتِ حج نے ممنوع اشیا کی فہرست جاری کرتے ہوئے عمرے پر آنے والوں کو ہدایت کی ہے کہ وہ کوئی بھی ممنوع چیز ساتھ نہ لائیں ورنہ کارروائی کی جائے گی۔
یہ انتباہ ایسے وقت جاری کیا گیا ہے جب مکہ مکرمہ میں عمرے کا سیزن اپنے نقطہ عروج پر ہے اور رمضان کا تیسرا عشرہ نزدیک آنے پر اعتکاف کی تیاریاں کی جارہی ہیں۔
سعودی عرب نے موتمرین کی بڑھتی ہوئی تعداد کے پیشِ نظر رمضان المبارک میں ایک سے زائد عمروں پر بھی پابندی لگادی ہے
سعودی عرب نے خلیجی ریاستوں میں مقیم افراد کے لیے بھی عمرہ ویزا میں نرمی کا اعلان کیا ہے۔ عمرہ ویزا کی میعاد بھی بڑھاکر 3 ماہ کردی گئی ہے۔
