جینڈر انٹرایکٹو الائنس کی سربراہ بندیا رانا اور کراچی میٹروپولیٹن کارپوریشن (کے ایم سی) میں خواجہ سرا کمیونٹی کی پہلی رکن شہزادی رائے نے کراچی پریس کلب میں پریس کانفرنس کی۔
شہزادی رائے کا کہنا تھا کہ معاشرے میں خواجہ سراؤں کے خلاف ہراسانی کے واقعات میں اضافہ ہورہا ہے مگر تحفظ کیلئے خاطر خواہ اقدامات نہیں کئے جا رہے۔
انھوں نے کہا کہ شہر قائد میں ان کی کمیونٹی کو نشانہ بنایا جارہا ہے، ہمارا شہر میں رہنا مشکل ہوگیا ہے،حکومت کب حرکت میں آئے گی اور اس سلسلے کو روکے گی۔
خواجہ سرا بندیا رانا کا کہنا تھا کہ اگر بھیک مانگنا لعنت ہے تو یہاں تو صوبہ اور وفاق بھی کسی نہ کسی طور پر بھیک مانگ رہے ہیں، خواجہ سراؤں کو رشوت کےطریقے نہیں آتے۔
خواجہ سرا ایکٹیوسٹ آردھیا خان نے کہا لوگوں کو بتانا چاہتے ہیں ہم بھی اس معاشرے کا حصہ ہیں، نفرت انگیز مہم بند کریں اور ہمیں بھی جینے کا حق دیں۔
