عید کی شب درگاہ شاہ نورانی جانے والے ٹرک کو حادثے کے نتیجے میں جاں بحق زائرین کی تعداد 18 ہو گئی جب کہ 52 زخمی ہوئے ہیں۔
یہ حادثہ بدھ (عید الفطر کی روز) کی شام اُس وقت پیش آیا جب بلوچستان کے ضلع حب کے علاقے ویرآب میں موڑ کاٹتے ہوئے زائرین سے بھرا ایک ٹرک گہری کھائی میں جا گِرا۔
ٹرک پر سوار تمام افراد کا تعلق سندھ کے سرحدی ضلع ٹھٹھہ سے تھا اور وہ بلوچستان کے ضلع خضدار کے علاقے میں واقع معروف درگاہ شاہ نورانی جا رہے تھے۔
اس حادثے میں کم از کم 18 افراد ہلاک ہوئے ہیں جبکہ 40 زخمی ہیں۔
ریسکیو ذرائع کے مطابق 38 زخمیوں کی شناخت کی جا چکی ہے۔ گاڑی مکلی سے عید کے دن دوپہر دو بجے نکلی اور شب آٹھ بجے حادثے کا شکار ہو گئی۔
پولیس کے مطابق ایمبولنسز کی آمد میں تاخیر کی وجہ سے شدید زخمیوں کو پرائیویٹ گاڑیوں میں کراچی منتقل کرنا پڑا۔
دریں اثناء وزیرِ اعلیٰ سندھ مراد علی شاہ نے بتایا کہ حب حادثے کے 52 زخمی اسپتال لائے گئے تھے، جن میں سے 40 کو ڈسچارج کر دیا گیا،2 بچے بھی زیرِ علاج ہیں۔
میڈیا سے گفتگو کرتے ہوئے مراد علی شاہ نے تصدیق کی کہ حب حادثے میں 17 افراد جاں بحق ہوئے ہیں تاہم ایک اورزخمی شخص دم توڑ گیا جس کے باعث جاں بحق افراد کی تعداد 18ہوگئی۔
وزیرِ اعلیٰ سندھ نے کہ پوری کوشش ہو گی کہ زخمیوں کو بہترین طبی سہولتیں دی جائیں، ٹراما سینٹر کے 5 زخمی وینٹی لیٹر پر ہیں، جب تک زخمی وینٹ پر ہیں ان کی صحت کو تشویش ناک ہی کہیں گے، 2 بچوں کا علاج این آئی سی ایچ میں ہو رہا ہے۔دو