فلسطین کی اقوام متحدہ کی مکمل رکنیت کی درخواست، سلامتی کونسل کا اتفاق نہ ہوسکا

فلسطین کی اقوام متحدہ کی مکمل رکنیت کی درخواست پرسلامتی کونسل کا اتفاق نہ ہوسکا۔

فلسطین نےگزشتہ ہفتے اقوام متحدہ کی رکنیت کی درخواست پرغورکا مطالبہ کیا تھا۔

دوسری جانب ترجمان امریکی محکمہ خارجہ میتھیو ملر نے کہا ہےکہ اسرائیل فلسطین تنازع کی وجہ سے دنیا بھر میں نفرتیں پھیل رہی ہیں جو تشویش کی بات ہے اور امریکہ اس کی مخالفت کرتا ہے کیونکہ یہ کسی کے مفاد میں نہیں۔

واضح رہے کہ عید پر بھی غزہ میں اسرائیل کے وحشیانہ حملے جاری ہیں۔

24 گھنٹے کے دوران مزید 63 افراد ہلاک ہوگئے، غزہ میں اب تک اسرائیلی حملوں میں ہلاک فلسطینیوں کی تعداد 33 ہزار 500 سے زائد ہوچکی ہے۔

عید کے موقع پر اسرائیل نے مقبوضہ فلسطین کے علاقے غزہ میں فضائی حملہ کرکے مزاحمتی تنظیم حماس کے سربراہ اسماعیل ہنیہ کے 3 بیٹے اور 3 پوتے ہلاک کردیے ہیں۔