غزہ کی پٹی پراسرائیل کا قبضہ مزید جارحیت کے دروازے کھول دے گا: ایردوان

ترکیہ کے صدر رجب طیب ایردون نے منگل کے روز زور دے کر کہا ہے کہ غزہ کی پٹی پر اسرائیل کے قبضے سے مزید جارحیت کا دروازہ کھل جائے گا۔

ایردوان نے اپنے عراق کے دورے سے واپسی کے دوران صحافیوں کو بتایا کہ انہیں یقین نہیں ہے کہ فلسطینی مزاحمتی تحریک حماس قطر سے نکل جائے گی۔ انہوں نے مزید کہا کہ انہیں دوحہ سے بھی اس کے کوئی اشارے نہیں ملے۔

ترکیہ کے صدر رجب طیب ایردوان کل پیر کو عراق کے سرکاری دورے پر بغداد پہنچے تھے جو ایک دہائی سے زائد عرصے میں ان کا پہلا دورہ ہے، اس کے دوران انہوں نے کئی امور پر بات چیت کی، جن میں پانی کی تقسیم، تیل کی برآمدات اور علاقائی سلامتی جیسے امور شامل تھے۔