اے ٹی پی کے زیر اہتمام اٹالین اوپن کے دلچسپ مقابلے اٹلی کے دارالحکومت روم میں جاری ہیں
اٹالین اوپن ٹینس ٹورنامنٹ میں مردوں کے سنگلز مقابلوں کے کوارٹر فائنل راؤنڈ میں جرمنی کے نامور ٹینس کھلاڑی اور ایونٹ کے تھرڈ سیڈڈ الیگزینڈر زویروف اور چلی کے ٹینس کھلاڑی الیجینڈرو ٹیبیلو اپنے اپنے میچز جیت کر سیمی فائنل میں پہنچ گئے۔
مینز سنگلز مقابلوں کے کوارٹر فائنل راؤنڈ میں جرمنی کے 27 سالہ الیگزینڈر زویروف نے امریکی حریف ٹیلر فریٹز کو اسٹریٹ سیٹس میں 4-6 اور 3-6 سےہرا کر ٹورنامنٹ کے سیمی فائنل میں جگہ بنا لی۔
دوسرے کوارٹر فائنل میچ میں چلی کے کھلاڑی الیجینڈرو ٹیبیلو نے چین کے ژانگ زیزن کو اسٹریٹ سیٹس میں 3-6 اور 4-6 سے شکست دی۔
ٹورنامنٹ کے مینز سنگلز مقابلوں کے پہلے سیمی فائنل میچ میں جرمنی کے الیگزینڈر زویروف کا مقابلہ چلی کے ٹینس کھلاڑی الیجینڈرو ٹیبیلو سے ہوگا۔