بھارتی ریاست گجرات کے ضلع راجکوٹ کے ایک تفریحی مقام میں خوفناک آگ لگنے سے کئی بچوں سمیت متعدد افراد ہلاک ہو گئے ہیں
حکام کی جانب سے 27 اموات کی تصدیق کر دی گئی ہے۔
بھارتی ریاست گجرات کے راجکوٹ ضلع میں جائے حادثہ پر امدادی کارروائیاں جاری ہیں جس کے بعد وہاں سے متعدد افراد کی لاشیں نکالی جا چکی ہیں۔
ضلع کی میئر نیناپیڈھاڈیا نے میڈیا سے گفتگو کرتے ہوئے کہا کہ ہماری توجہ ریسکیو آپریشن اور زندگیاں بچانے پر مرکوز ہے۔ہم اس بات کو یقینی بنائیں گے کہ اس واقعہ کے ذمہ دار لوگوں کے خلاف سخت کارروائی کی جائے۔
مقامی سول اسپتال کے ایک پولیس عہدیدار نے بتایا کہ کچھ لاشیں جلی ہوئی ہیں جن کی شناخت ممکن نہیں ہے۔
ضلع کے چیف فائر آفیسر آئی وی کھیر نے ذرائع ابلاغ کو بتایا کہ آگ لگنے کی وجہ ابھی تک معلوم نہیں ہوسکی ہے۔
گجرات کے وزیر اعلیٰ بھوپندر پٹیل نے کہا کہ واقعہ کی جانچ اسپیشل انویسٹی گیشن ٹیم کو سونپ دی گئی ہے
راجکوٹ پولیس نے اس واقعہ کے سلسلے میں 2 لوگوں کو حراست میں لے لیا ہے۔