بھارتی ریاست میزورام میں طوفان کے باعث ہونے والی شدید بارشوں کی وجہ سے پتھر کی ایک کان منہدم ہو گئی
ریاستی حکام کے مطابق کان منہدم ہونے کے باعث 17 مزدورہلاک اور 12 لاپتہ ہو گئے ہیں۔
پولیس افسر نے بتایا کہ امدادی کارکنوں نے ریاست میزورام کے دارالحکومت ایزوال سے تقریباً 6 کلومیٹر دور میلتھم میں کان میں ہلاک ہونے والوں کی لاشیں برآمد کیں اور ملبے سے دو مزدوروں کو زندہ نکالنے میں کامیاب رہے۔
الوال نے کہا کہ امدادی کارکن اب بھی پھنسے ہوئے کارکنوں تک پہنچنے کی کوشش کر رہے ہیں اور مزید بچ جانے والوں کی تلاش جاری ہے۔
پچھلے سال ریاست کے ایک قصبے ممیت میں پتھر کی کان گرنے سے سات مزدور ہلاک ہو گئے تھے۔ 2022 میں اسی طرح کے ایک اورحادثے میں 12 مزدور ہلاک ہو ئے تھے۔
بھارت کی شمال مشرقی ریاستوں میں پیر کے روز سمندری طوفان ریمال کے بنگلہ دیش سے ٹکرانے کے بعد شدید بارشیں ہو رہی ہیں۔
بھارت کے محکمہ موسمیات نے خبردار کیا ہے کہ شدید بارشوں سے کمزور ڈھانچے اورغیر پختہ چھتوں والے مکانات کو نقصان پہنچ سکتا ہے اور علاقے میں مٹی کے تودے گر نے کا خطرہ ہے۔