سابق امریکی صدر ڈونلڈ ٹرمپ نے ویڈیو شیئرنگ پلیٹ فارم ٹک ٹاک پر ویڈیو کے ساتھ انٹری دے دی۔
ٹک ٹاک پر پوسٹ کی گئی پہلی ویڈیو میں سابق امریکی صدر کو ریاست نیوجرسی میں منعقدہ الٹیمیٹ فائٹنگ چیمپئن شپ میچ میں شرکت کرتے ہوئے دیکھا جاسکتا ہے۔
مذکورہ ویڈیو کے آغاز میں سابق امریکی صدر کو یہ کہتے ہوئے بھی سنا جاسکتا ہے کہ ٹک ٹاک پر آنا ان کے لیے اعزاز کی بات ہے۔
ٹک ٹاک پر انٹری دینے والے 45ویں سابق امریکی صدر کے مختصر وقت میں 3.4 ملین فالوورز سے زائد ہوگئے جبکہ ان کی پہلی ویڈیو کو 59.6 ملین سے زائد بار دیکھا جاچکا ہے۔
خیال رہے کہ انہوں نے قومی سلامتی کو بنیاد بنا کر بحیثیت صدر کے ٹک ٹاک پر پابندی عائد کرنے کی کوشش کی تھی، لیکن ناکام رہے تھے۔
واضح رہے کہ ڈونلڈ ٹرمپ رواں سال 5 نومبر کو ہونے والے عام انتخابات میں صدارتی امیدوار ہیں۔ صدارتی انتخابات سے قبل سوشل میڈیا پلیٹ فارم پر انٹری سے انہیں نوجوان ووٹرز کی حمایت حاصل ہوسکتی ہے۔
