نمارک کی وزیراعظم میٹے فریڈرکسن پر دالحکومت کوپن ہیگن میں ایک شخص نے حملہ کردیا۔
وزیراعظم کے دفتر نے ایک بیان میں کہا ہے کہ میٹے فریڈرکسن اس حملے میں محفوظ رہیں تاہم انہیں اس واقعے سے شدید صدمہ پہنچا ہے۔
بیان میں کہا گیا ہے کہ ’جمعے کی شام کوپن ہیگن میں کلٹرویٹ پر ایک شخص نے وزیراعظم میٹے فریڈرکسن کو زور سے دھکا دیا۔ اس شخص کو گرفتار کر لیا گیا ہے۔‘
دو عینی شاہدین میری ایڈریان اور انا راون نے بتایا کہ ایک شخص مخالف سمت سے آیا اور اس نے وزیراعظم کے کندھے پر زور سے دھکا دیا جس سے وہ گر گئیں۔‘
عینی شاہدین کے مطابق اس واقعےکے بعد وزیراعظم ایک قریبی کیفے میں بیٹھ گئی تھیں۔
دوسری جانب یورپی یونین کے سربراہان نے ڈنمارک کی وزیراعظم پر حملے کی مذمت کی ہے۔
میٹے فریڈرکسن 2019 میں ڈنمارک کی تاریخ کی سب سے کم عمر وزیراعظم بنی تھیں۔