سمندری طوفان بیرل سے 5 افراد ہلاک

سمندری طوفان بیرل نےکیریبین ملک جمیکا کی جانب بڑھتے ہوئے 5 انسانی جانوں کو نگل لیا۔

سمندری طوفان بیرل کیریبین ملک جمیکا کی جانب بڑھ رہا ہے اور اس دوران ہواؤں کی رفتار 250 کلو میٹر فی گھنٹہ ریکارڈ کی جارہی ہے۔

سمندری طوفان بیرل نے جنوب مشرق میں تباہی مچائی جس میں 5 افراد ہلاک ہوئے۔

ماہرین کے مطابق یہ ایک طاقتور طوفان ہے اور اس موسم میں سمندری طوفان کا آنا انتہائی نایاب عمل ہے جس کی شدت کیٹیگری 5 میں منتقل ہوگئی ہے جب کہ امکان ہے کہ بدھ تک یہ طوفان جمیکا کے اوپر یا اس کے قریب سے گزر جائے گا۔

سمندری طوفان بیرل کی وجہ سے تیز بارشوں اور سیلاب کا بھی خطرہ ہے۔