پاکستان اسٹاک ایکسچینج میں کاروباری ہفتے کے پہلے روز زبردست تیزی دیکھنے میں آ رہی ہے اور 100 انڈیکس 81 ہزار پوائنٹس کی حد عبور کر گیا۔
دوران ٹریڈنگ مارکیٹ 14 سو 61 پوائنٹس اضافے کے ساتھ 81 ہزار 406 کی سطح پر ٹریڈ کر رہی ہے۔
کاروباری ہفتے کے پہلے ہی دن بازارِ حصص میں تیزی کا رجحان دیکھا جا رہا ہے۔ اس کے برعکس گزشتہ ہفتے کا اختتام مارکیٹ میں بڑی مندی کے ساتھ ہوا تھا اور جمعہ کے روز اتار چڑھاؤ کے بعد کے ایس ای 100 انڈیکس 79 ہزار 944.10 پوائنٹس پر بند ہوا تھا۔
معاشی ماہرین کا کہنا ہے کہ ملک کی موجودہ صورتحال میں سرمایہ کاروں کا اعتماد بحال ہوتا ہوا نظر آرہا ہے۔ آئی ایم ایف سے مذاکرات میں پیشرفت اور اعلیٰ عدلیہ کے فیصلے کو مارکیٹ میں مثبت لیا گیا ہے۔
اسٹاک بروکرز کے مطابق ’جولائی کے ماہ کا تیسرا ہفتہ پاکستان سٹاک ایکسچینج کے لیے اچھا ثابت ہوا ہے۔ پیر کو کاروبار کے آغاز سے ہی مارکیٹ میں مثبت رجحان دیکھا جا رہا ہے۔‘