امریکی نیوز چینل “سی این این” نے با خبر ذرائع کے حوالے سے بتایا کہ سابق ہاؤس اسپیکر نینسی پلوسی کی صدر جوبائیڈن سے فون کال پرمبینہ گفتگو ہوئی جس میں انہوں نے صدر سے کہا کہ پولز سے پتہ چلتا ہےکہ وہ الیکشن نہیں جیت سکتے۔
“سی این این” کے مطابق ایک ذریعہ نے بتایا ہےکہ نینسی پلوسی اور بائیڈن کے درمیان بات چیت گزشتہ ہفتےہوئی تھی ۔
“سی این این” کے مطابق نینسی پلوسی نے بائیڈن کوبتایا کہ پولز میں ان کی شکست دکھائی دے رہی ہے، نینسی نے بتایا کہ پولزکے مطابق بائیڈن ٹرمپ کو نہیں ہرا سکتے۔
امریکی نیوز چینل “سی این این” نے با خبر ذرائع کے حوالے سے بتایا کہ پلوسی کا مزید کہنا تھا کہ صدر بائیڈن ایوان نمائندگان پر کنٹرول واپس لینے کے حوالے سے ڈیموکریٹس کے مواقع تباہ کر سکتے ہیں۔
رپورٹ میں بتایا گا کہ نینسی پیلوسی کی گفتگوکے ردعمل میں بائیڈن نے پولز سے متعلق دفاعی اندازاختیار کرتے ہوئے کہا کہ انکے پاس ایسے پولز ہیں جوکامیابی کا بتا تے ہیں، کسی ذریعہ نے اشارہ نہیں دیا کہ پیلوسی سمجھتی ہیں کہ بائیڈن کو انتخابی دوڑسے باہر ہوجانا چاہیے۔
یاد رہے گزشتہ ہفتے ایک انٹرویو میں نینسی پلوسی نے کہا تھا کہ صدر پرمنحصر ہےکہ وہ فیصلہ کریں کہ وہ انتخاب لڑیں گے یا نہیں، ہم س
پلوسی کا موقف امریکی سینیٹ میں ڈیموکریٹس کے لیڈر چاک شومر کے بیان کے چند گھنٹے بعد سامنے آیا ہے۔ شومر کے مطابق انہوں نے ہفتے کے روز ملاقات میں بائیڈن کو بھرپور طریقے سے آگاہ کر دیا کہ ان کا صدارتی دوڑ سے دست بردار ہونا ملک اور ڈیموکریٹک پارٹی کے لیے بہتر ہو گا۔.
