اسپین کے وزیراعظم پیڈرو سانچز کو اہلیہ کے کاروبار میں معاونت پر پارلیمانی کارروائی کا سامنا کرنا پڑیگا۔
اسپین کے وزیراعظم پیڈرو سانچز آج پارلیمنٹ میں پیش ہوں گے جہاں انہیں اہلیہ بگونا گومز کے کاروبار میں ڈیلنگ کرنے پر جواب دینا ہو گا۔
ان الزامات کے باعث پیڈرو سانچز کی انتہائی کم اکثریت والی مخلوط حکومت خطرے میں پڑ گئی ہے تاہم پیڈرو سانچز اپنے اوپر اہلیہ کے کاروبار میں معاونت کے الزامات کی سختی سے تردید کرتے ہیں۔
پیڈرو سانچر کا کہنا ہے انہوں نے کوئی غلط کام نہیں کیا اور ان پر لگنے والے الزامات دراصل دائیں بازو کے لوگوں کی جانب سے ان کی بائیں بازو کی حکومت کے خلاف مہم کا حصہ ہیں۔
وزیراعظم پیڈرو سانچز کی جانب سے الزامات کی تردید کے باوجود کیس نے اسپین کی سیاست میں تہلکہ مچا رکھا ہے اور قدامت پسند اپوزیشن کی جانب سے وزیراعظم سے مستعفی ہونے کا مطالبہ کیا جا رہا ہے۔
یاد رہے کہ قبل ازیں اسپین کی عدالت نے وزیراعظم پیڈرو سانچز کی اہلیہ بگونا گومز کو اپنے شوہر وزیراعظم پیڈرو سانچز کی جانب سے کاروبار میں مدد فراہم کرنے کے الزامات ہر طلب کیا تھا۔
