نسلی امتیاز کے الزام میں گریٹر مانچسٹر پولیس کے 8 افسران کو معطل جبکہ ایک افسر کی ڈیوٹیوں کو محدود کردیا گیا ہے۔
انڈیپنڈنٹ آفس فار پولیس کنڈکٹ (آئی او پی سی) کے مطابق محکمہ جاتی تحقیقات کے بعد نسلی امتیاز کے الزام میں معطل ہونے والے ایک افسر کا تعلق روچاڈیل جبکہ بقیہ تمام افسران کا تعلق بیوری ڈسٹرکٹ سے ہے اور تمام ہی افسران بیوری ڈسٹرکٹ میں تعینات تھے۔
یہ اقدام 17 جولائی کو 5 افسران کی معطلی اور 2 دیگر کو محدود ڈیوٹیوں پر تعینات کیے جانے کے بعد کیا گیا ہے۔
رپورٹ کے مطابق تمام افسران کے خلاف مبینہ نسلی امتیاز کے الزام کے تحت کی جا رہی ہے تاہم نسلی امتیازی سلوک کی تفصیلات کو ظاہر نہیں کیا گیا ہے۔
گریٹ مانچسٹر پولیس کے پروفیشنل اسٹینڈرڈز ڈائریکٹوریٹ کے سربراہ کا کہنا تھا کہ ہمیں ان افسران کے رویے سے متعلق تشویشناک شکایات موصول ہوئی تھیں۔ آئی او پی سی کے مطابق فورس غیر قانونی گرفتاریاں اور تلاشی لے رہی ہے،
انہوں نے کہا کہ ہم بیوری ڈسٹرکٹ، مقامی کمیونٹی اور عوام کو یقین دلاتے ہیں کہ معاملے کی جامع تحقیقات کے بعد اسے منطقی انجام تک پہنچایا جائے گا۔
