اقوام متحدہ کا بھارت میں انسانی حقوق کی صورتحال پر اظہار تشویش

یو این ہیومن رائٹس کمیٹی نے بھارت میں مذہبی اقلیتوں بشمول مسلمانوں، مسیحیوں اور نچلی ذات کے حوالے سے تشویش کا اظہار کر دیا۔

یو این ہیومن رائٹس کمیٹی نے مقبوضہ جموں کشمیر، آسام اور منی پور کے بعض اضلاع میں نام نہاد انسداد دہشت گردی قوانین کے نفاذ پر بھی شدید تشویش کا اظہار کیا ہے۔

یو این ہیومن رائٹس کمیٹی نے مطالبہ کیا ہے کہ بھارت فوری طور پر امتیازی قوانین کا خاتمہ کرے، بھارت اپنے سول ملازمین ، قانون نافذ کرنے والے اداروں، عدلیہ اور کمیونٹی لیڈرز کو مناسب تربیت بھی فراہم کرے

ہیومن رائٹس کمیٹی نے رپورٹ میں کہا کہ بھارت کے انسداد دہشت گردی قوانین اور مسلح افواج کا اسپیشل پاورز ایکٹ بین الاقوامی قوانین سے متصادم ہے۔ آسام اور منی پور میں طاقت کے بے دریغ استعمال کے باعث غیر قانونی ہلاکتیں ،حراستیں جنسی تشدد، جبری گمشدگیاں اور تشدد عام ہے۔