امریکی رکن کانگریس اور پاکستانی کاکس کی سربراہ شیلا جیکسن لی کی آخری رسومات ٹیکساس میں ادا کی گئیں۔
آخری رسومات میں امریکہ کے سابق صدر بل کلنٹن اور ہلیری کلنٹن سمیت اہم شخصیات نے شرکت کی۔
شیلا جیکسن لی امریکی کانگریس میں پاکستانی کاکس کی سربراہ تھیں، ہیوسٹن میں منعقد شیلا جیکسن کی آخری رسومات میں پاکستانی کمیونٹی کی اہم شخصیات بھی موجود تھیں۔
شیلا جیکسن لی کے امریکہ میں آباد پاکستانی کمیونٹی کے ساتھ گہرے روابط تھے۔ اور وہ پاکستان کے لیے حکومتی سطح پر امداد، تعاون اور روابط بڑھانے کے لیے کوشاں رہیں۔
انہوں نے پاکستان کے متعدد دورے بھی کیے۔ پاکستان کے لیے ان کی خدمات کے اعتراف میں 2022 میں حکومتِ پاکستان نے انہیں ‘ہلالِ پاکستان’ سے نوازا تھا۔
واضح رہے کہ 20جولائی کو ریاست ٹیکساس سے رکن کانگریس شیلاجیکسن کا انتقال ہوا تھا ، وہ طویل عرصے سے لبلبے کے کینسر میں مبتلا تھیں۔
