پاکستان کے سب سے بڑے صوبے پنجاب میں اس سال پولیو وائرس کا پہلا کیس سامنے آ گیا ہے
اس سال ملک بھر میں رپورٹ ہونے والے کیسز کی مجموعی تعداد 12 ہوگئی۔
پاکستان کے قومی رابطہ کار برائے پولیو کیپٹن (ر) انوار الحق نے تصدیق کی کہ تازہ ترین کیس ہفتہ کو پنجاب کے ضلع چکوال سے رپورٹ ہوا۔ چھ سالہ لڑکا اس وائرس سے متأثر ہوا ہے۔
اس سے قبل پاکستان میں اس سال جنوب مغربی صوبہ بلوچستان سے نو اور جنوبی صوبہ سندھ میں دو کیس رپورٹ ہوئے ہیں۔
کیپٹن (ر) انوار الحق نے بتایا، “پنجاب میں اس سال پولیو کا پہلا کیس صوبے کے ضلع چکوال میں رپورٹ ہوا ہے۔ ملک بھر سے سیوریج کے نمونے لیے گئے ہیں اور پاکستان کے 50 سے زائد اضلاع میں پولیو وائرس پایا گیا ہے۔”
حق نے کہا، حکومت انفیکشن کو روکنے کے لیے اس سال ستمبر، اکتوبر اور دسمبر میں تین انسدادِ پولیو مہمات شروع کر رہی ہے۔
انہوں نے کہا، “پاکستان یہ مہمات افغانستان کے ساتھ مل کر شروع کر رہا ہے تاکہ انہیں مزید مؤثر بنایا جائے۔
حکومت نے 2024 کے آخر تک 96 فیصد بچوں کو قطرے پلانے کا ہدف مقرر کیا ہے۔”
