شکاگو میں ڈیموکریٹک نیشنل کنونشن کے افتتاح کے موقع پر امریکہ کی نائب صدر کاملا ہیرس نے اپنے مختصر خطاب میں ووٹروں پر زور دیا کہ وہ امریکی اقدار اور کامیابی کے لیے لڑیں۔
کاملا نے اپنے خطاب میں مزید کہا کہ “ہم صدر جو بائیڈن کے ہمیشہ کے لیے ممنون ہیں۔ جو ، آپ کی تاریخی قیادت کے لیے شکریہ”۔
ادھر سابقہ صدارتی انتخابات میں ڈیموکریٹک پارٹی کی امیدوار ہیلری کلنٹن نے ریپبلکن حریف ڈونلڈ ٹرمپ پر کڑی نکتہ چینی کی ہے۔
نھوں نے اپنے خطاب میں کہا کہ ٹرمپ وہ پہلی شخصیت ہیں جو 34 مجرمانہ الزامات میں قصور وار ٹھہرائے جانے کے بعد صدارتی انتخابات میں نامزد ہوئے ہیں۔
ہیلری کے مطابق کاملا ہیرس امریکی اقدار اور ملک میں جمہوریت کا دفاع کریں گی۔
کنونشن میں موجودہ صدر جو بائیڈن کی اہلیہ جیل بائیڈن نے بھی خطاب کیا۔ انھوں نے بائیڈن کی تعریف کرتے ہوئے زور دیا کہ ملک کا مستقبل کاملا ہیرس اور ٹیم والز کی حمایت اور آئندہ انتخابات میں ان دونوں کی جیت پر منحصر ہے۔
یاد رہے کہ ڈیموکریٹک پارٹی رواں سال اپنا چار روزہ قومی کنونشن ‘یکجہتی’ کے عنوان سے منعقد کر رہی ہے۔
