ری پبلکن صدارتی امیدوار ڈونلڈ ٹرمپ نے کہا ہے کہ کاملا ہیرس صدر منتخب ہوئیں تو امریکی معیشت تباہ ہو جائے گی۔
ری پبلکن صدارتی امیدوار ٹرمپ نے پنسلوینیا میں ریلی سے خطاب کرتے ہوئے کہا کہ بائیڈن نے معیشت برباد کردی ہے
بائیڈن کے دور میں 35 لاکھ سے زائد امریکی بےروزگار ہوئے، بدترین مہنگائی کی وجہ سے ہر گھرانے پر سالانہ 28 ہزار ڈالر کا بوجھ پڑاا۔
ان کاکہنا تھا کہ کاملا ہیرس کی نام نہاد پاورپلانٹس بند کرنے کی پالیسی ختم کردوں گا، صدر منتخب ہوا توامریکی اسٹیل ملز کی نجکاری روک دوں گا۔
ٹرمپ نے مزید کہا کہ ڈیموکریٹس نے بائیڈن کی جگہ ہیرس کو صدارتی امیدوار نامزد کر کے امریکہ میں بغاوت کی، جوبائیڈن کی بجائے کاملاہیرس کو ہرانا میرے لیے آسان ہے۔
واضح رہے کہ امریکہ میں رواں سال نومبر میں چار سالہ مدت کے لیے صدارتی الیکشن کا انعقاد ہوگا جس میں ڈیموکریٹ کی جانب سے کاملا ہیرس اور ری پبلیکننز کی جانب سے سابق صدر ڈونلڈ ٹرمپ مضبوط امیدوارہیں۔
