اسرائیل پر سات اکتوبر کے حملے کی وجہ کاملا ہیرس ہیں : ٹرمپ

سابق امریکی صدر ڈونلڈ ٹرمپ نے صدارتی انتخابات کے لیے ڈیموکریٹک پارٹی کی خاتون امیدوار کاملا ہیرس پر نئے الزامات عائد کیے ہیں۔

ٹرمپ کے مطابق 7 اکتوبر کو اسرائیل پر حماس کے حملے کی وجہ کاملا ہیرس ہیں، ایران کے پاس اس وقت حزب اللہ کو بھیجنے کے لیے مالی رقوم نہیں تھیں۔ ٹرمپ کا اشارہ اس جانب تھا کہ بائیڈن کے صدر بننے کے بعد ان کی انتظامیہ نے ایران پر پابندیاں عائد کرنے میں سست روی کا مظاہرہ کیا۔

سابق صدر کا نیا بیان سماجی رابطے کے پلیٹ فارم Social Truth پر سامنے آیا ہے۔

سابق صدر کا کہنا ہے کہ کملا کے زیر قیادت امریکا کا کوئی مستقبل نہیں۔ وہ امریکا کو تیسری عالمی جوہری جنگ کی جانب لے جائیں گی۔

ٹرمپ کا مزید کہنا ہے کہ ان کا پروجیکٹ 2025 سے کوئی تعلق نہیں جس کے لیے کاملا کا کہنا ہے کہ یہ امریکہ کے لیے خطرناک ہو گا۔