امریکہ کی ریاست جارجیا کے ایک ہائی اسکول میں 14 سالہ طالبِ علم کی فائرنگ کے نتیجے میں چار طلباء ہلاک اور نو زخمی ہو گئے ہیں۔
فائرنگ کا واقعہ اٹلانٹا شہر سے 70 کلومیٹر دور وینڈر نامی ایک ٹاؤن کے ہائی اسکول میں پیش آیا ہے۔
جارجیا کے بیورو آف انویسٹی گیشن کے ڈائریکٹر کرس ہوسی نے بدھ کو پریس کانفرنس میں بتایا کہ ہلاک ہونے والوں میں دو طالبِ علم اور دو اساتذہ شامل ہیں۔
سوشل میڈیا پوسٹ میں بتایا گیا ہے کہ نو زخمیوں کو طبی امداد کے لیے اسپتال منتقل کیا گیا ہے۔
سیکیورٹی حکام نے فائرنگ کرنے والے مشتبہ طالبِ علم کو حراست میں لے لیا ہے۔
پولیس نے یہ نہیں بتایا کہ حملہ آور نے اسکول میں فائرنگ کیوں کی اور ساتھی طالبِ علم کو نشانہ کیوں بنایا۔
حکام کا کہنا ہے کہ مشتبہ فرد نے تنہا ہی یہ کارروائی کی تھی۔ اس حوالے سے مزید تحقیقات جاری ہیں۔
امریکہ کے صدر جو بائیڈن نے اس واقعے میں ہلاک ہونے والے افراد کی موت پر افسوس کا اظہار کیا ہے۔
ان کا کہنا تھا کہ امریکہ طلبہ پڑھنے اور لکھنے کے بجائے خود کو محفوظ بنانے کے لیے طریقے دیکھ رہے ہیں۔ ان کے بقول اس کو عمومی معاملے کے طور پر قبول نہیں کیا جا سکتا۔
امریکہ میں رواں برس فائرنگ کے 29 واقعات میں اب تک 127 افراد کی اموات ہوئی ہے۔
امریکہ میں 2023 میں فائرنگ کے 42 ہلاکت خیز واقعات ہوئے تھے جن میں 217 افراد کی ہلاکت کی تصدیق کی گئی تھی
