13
بھارتی ریاست اتر پردیش کے شہر لکھنو میں عمارت منہدم ہونے کے نتیجے میں 8 افراد ہلاک اور درجنوں زخمی ہو گئے۔
رپورٹ کے مطابق لکھنو کے علاقے ٹرانسپورٹ نگر میں ایک 3 منزلہ عمارت گرنے سے افراد زخمی ہوئے۔
مقامی انتظامیہ نے بتایا کہ ریسکیو آپریشن تاحال جاری ہے اور کسی شخص کے ملبے تلے نہ دبے ہونے کی امید ظاہر کی جا رہی ہے۔
پولیس کے مطابق عمارت کی تعمیر 4 سال قبل کی گئی تھی بلڈنگ گرنے کے وقت ٹاپ فلور پر تعمیراتی کام چل رہا تھا۔
حکام نے بتایا کہ 3 منزلہ عمارت کے گراؤنڈ فلور پر ایک موٹر ورکشاپ اور گودام بنا ہوا تھا جبکہ پہلی منزل پر میڈیکل آلات کے سامان کا گودام تھا۔
