انگلینڈ کا دورۂ پاکستان کے لئے ٹیسٹ اسکواڈ کا اعلان

انگلش کرکٹ بورڈ نے آئندہ ماہ پاکستان کے خلاف تین ٹیسٹ میچوں کی سیریز کے لیے 17 رُکنی اسکواڈ کا اعلان کر دیا ہے۔

انگلینڈ کی ٹیم اپنے دورے کے دوران پہلا ٹیسٹ میچ سات اکتوبر کو ملتان کرکٹ اسٹیڈیم میں شروع ہو گا۔

17 رُکنی اسکواڈ میں کپتان بین اسٹوک، ہیری بروک، برائڈن کارس، جورڈن کوکس، زیک کرالی، بین ڈکیٹ، جوش ہل، جیک لیچ، اولی پوپ، میتھیو پوٹس، جو روٹ، جیمی اسمتھ، اولی اسٹون اور کرس ووکس شامل ہیں۔

ورلڈ ٹیسٹ چیمپئن شپ (ڈبلیو ٹی سی) کا فائنل کھیلنے کی اُمیدیں برقرار رکھنے کے لیے پاکستان کو تینوں میچوں میں کامیابی حاصل کرنا ہو گی۔

انگلینڈ کے خلاف ٹیسٹ سیریز کے لیے پاکستان کرکٹ بورڈ نے پہلے کراچی، ملتان اور راولپنڈی کا انتخاب کیا تھا۔ تاہم کراچی میں نیشنل اسٹیڈیم میں چیمپئنز ٹرافی کے سلسلے میں ہونے والے تعمیراتی کام کے پیشِ نظر دوسرا ٹیسٹ میچ کسی اور وینیو پر منتقل کرنے کا فیصلہ ہوا ہے۔

امکان یہی ہے کہ دو ٹیسٹ میچز راولپنڈی میں کھیلے جائیں گے۔

انگلینڈ کی کرکٹ ٹیم نے 2022 میں پاکستان کا دورہ کیا تھا جس میں کھیلے گئے تینوں ٹیسٹ میچز میں اس نے پاکستان کو شکست دی تھی۔-