یمن کے ایران نواز حوثیوں نے اسرائیل پر زمین سے زمین تک مار کرنے والا میزائل فائر کیا
اسرائیلی فوج کے مطابق میزائل وسطی اسرائیل کے غیر آباد علاقے میں گرا ہے
اسرائیلی فوج کا کہنا ہے کہ حملے میں کوئی بھی زخمی نہیں ہوا ہے۔
اتوار کی صبح تل ابیت اور وسطی اسرائیل کے مختلف علاقوں میں میزائل گرنے سے قبل سائرن بجا کر شہریوں کو محفوظ مقامات پر منتقل ہونے کے لیے خبردار کیا گیا تھا۔
سائرن بجنے کے بعد علاقے میں زور دار دھماکے سنائی دیئے
اسرائیلی فوج کے مطابق یہ میزائل کی نشاندہی کے بعد لانچ کیے گئے انٹرسیپٹرز کی آوازیں تھیں۔
فوج کا مزید کہنا تھا کہ اسرائیلی شہریوں کے لیے حفاظتی تدابیر سے متعلق جاری کردہ ہدایات میں کوئی تبدیلی نہیں کی گئی ہے۔
حوثیوں کے نائب ترجمان نصر الدین عامر نے سوشل میڈیا پر ایک پوسٹ میں کہا ہے کہ یمن سے داغا گیا میزائل 20 بار انٹرسپیٹ کی ناکامی کے بعد وسطی اسرائیل پہنچنا ہے۔
ان کا کہنا تھا کہ اسرائیل پر میزائل حملہ’شروعات‘ ہے۔
حوثی باغیوں نے اس کارروائی کی مزید تفصیلات بھی سامنے لانے کا اعلان کیا ہے۔
اتوار کا حملہ بظاہر ایسی پہلی کارروائی ہے جس میں یمن کے ایران نواز حوثیوں کا داغا گیا میزائل اسرائیل کے فضائی حدود میں اندر تک پہنچا ہے۔
گزشتہ برس اکتوبر میں حماس کے اسرائیل پر دہشت گرد حملے کے بعد شروع ہونے والی غزہ کی جنگ کے دوران حوثیوں نے کئی بار اسرائیل پر میزائل فائر کیے ہیں۔ وہ ان کارروائیوں کو فلسطینیوں سے اظہارِ یکجہتی قرار دیتے رہے ہیں۔
اسرائیلی فوج نے مزید بتایا ہے کہ اتوار کو لبنان کی جانب سے اسرائیل پر 40 میزائل فائر کیے گئے
فوج کے بقول اس کارروائی میں بھی کوئی زخمی نہیں ہوا۔
