انگلش پریمیئر لیگ کے دلچسپ مقابلے انگلینڈ میں جاری ہیں۔
انگلش پریمیئر لیگ میں چیلسی، آرسنل اور نیوکیسل یونائیٹڈ کی ٹیموں نے اپنے اپنے میچز جیت لئے۔
وائٹلٹی اسٹیڈیم بورن ماؤتھ میں کھیلے گئے لیگ کے اہم میچ میں چیلسی کی ٹیم نے بورن ماؤتھ کو سخت مقابلے کے بعد 0-1 گول سے ہرا دیا۔
چیلسی کی جانب سے واحد گول کرسٹوفر نکونکو نے میچ کے 86 ویں منٹ پر اسکور کیا۔۔
ٹوٹنہم ہاٹ پور اسٹیڈیم لندن میں کھیلے گئے میچ میں آرسنل نے سخت مقابلے کے بعد میزبان ٹوٹنہم ہاٹ پور کو 0-1 گول سے شکست دی۔
آرسنل کی جانب سے فیصلہ کن گول گیبریل میگلہیس نے میچ کے 64 ویں منٹ پر اسکور کیا۔
مولینکس زسٹیڈیم وولور ہیمپٹن میں کھیلے گئے میچ میں نیوکیسل یونائیٹڈ نے میزبان وولور ہیمپٹن کو ایک کے مقابلے میں 2 گول سے مات دی۔
نیوکیسل یونائیٹڈ کی طرف سے فیبین شار اور ہاروی بارنس نے ایک ایک گول اسکور کیا جبکہ وولور ہیمپٹن کی جانب سے واحد گول ماریو لیمینانے اسکور کیا۔
