جزیرہ نما سری لنکا میں صدارتی انتخابات کیلئے ووٹنگ مکمل ہونے کے بعد ملک بھر میں کرفیو نافذ کر دیا گیا ہے۔
سرکاری حکام کے مطابق ملک بھر میں پولنگ کا عمل پرامن رہا۔
حکام کا کہنا ہے کہ عوام کی حفاظت یقینی بنانے کیلئے کرفیو نافذ کیا گیا۔
رپورٹس کے مطابق ووٹنگ کا عمل مکمل ہونے کے بعد سری لنکا میں 8 گھنٹوں کے لیے کرفیو نافذ کیا گیا تاکہ ووٹوں کی گنتی کے دوران امن و امان کی صورتحال قائم رہے۔
واضح رہے کہ صدارتی انتخابات کیلئے 38 امیدوار میدان میں ہیں جن میں صدر رانیل وکرما سنگھے، اپوزیشن رہنما سازتھ پریم داسا اور بائیں بازو کے رہنما انورا کمارا دسانائکے کے درمیان سخت مقابلہ متوقع ہے۔
پولیس میڈیا ڈویژن کے ترجمان کا کہنا ہے کرفیو آج صبح 6 بجے تک نافذ رہے گا، لازمی خدمات والے محکموں کے اہلکاروں کو استثنی حاصل ہوگا۔
کرفیو کے نفاذ کے بعد کولمبو کی سڑکوں پر سیکیورٹی حکام کا گشت جاری ہے جبکہ مختلف علاقوں میں چیک پوسٹیں بھی قائم کر دی گئی ہیں۔
بیرون ملک سفر سے واپس آنے والے افراد کو بھی مشورہ دیا گیا ہے کہ وہ اپنے ہوائی ٹکٹ اور دیگر سفری دستاویزات کو کرفیو پاس کے طور پر استعمال کریں۔
