حزب اللہ کے سربراہ حسن نصراللہ کی ہلاکت کے بعد روز کابینہ اجلاس سے خطاب میں ایرانی صدر نے اسرائیلی جرائم کی سخت الفاظ میں مذمت کی۔
مسعود پزشکیان نے انکشاف کرتے ہوئے کہا کہ اسماعیل ہنیہ کے قتل پر ردعمل نہ دینے پر امریکی اور یورپی حکام نے غزہ میں جنگ بنی کے وعدے کے تھے۔
انہوں نے کہا کہ امریکی اور یورپی حکام کے یہ سبھی وعدے جھوٹے تھے۔
ایرانی صدر نے کہا کہ اسرائیل کے حالیہ حملے نے ایک بار پھر ثابت کردیا کہ وہ کسی بھی بین الاقوامی اصول وضوابط کا پابند نہیں ہے۔اسرائیل کو جرائم کے ارتکاب پر چھوٹ دیئے جانے پر اس کی جرات زیادہ بڑھے گی۔
کابینہ اجلاس سے گفتگو میں ایرانی صدر نے کہا کہ انہوں نے ایک امریکی ٹی وی کے ساتھ انٹرویو میں یہ واضح کیا تھا کہ اسرائیل کے ساتھ جنگ میں حزب اللہ کو تنہا نہیں چھوڑا جائے گا۔
انہوں نے کہا کہ اس وقت بھی ان کا نظریہ یہی ہے کہ حزب اللہ کو اسرائیل کے ساتھ جنگ میں اکیلا نہیں چھوڑنا چاہیے۔
خیال رہے کہ جولائی میں ایرانی دارالحکومت تہران میں حماس کے سربراہ اسماعیل ہنیہ کی ہلاکت کے بعد ایران کی جانب سے بارہا اسماعیل ہنیہ کی شہادت کا بدلہ لیے جانے کے بیانات دیے گئے تھے۔
