امریکی صدر جو بائیڈن نے حزب اللہ کے سربراہ حسن نصراللہ کی اسرائیلی حملے میں ہلاکت کو اسرائیل کا منصفانہ اقدام قرار دے دیا ۔
امریکی صدر جوبائیڈن کا کہنا تھا کہ حسن نصراللہ اور حزب اللہ سیکڑوں امریکیوں کو ہلاک کرنے کے ذمہ دار تھے، حزب اللہ سربراہ کی موت سے ہزاروں امریکیوں، اسرائیلیوں اور لبنانی شہریوں کو انصاف ملا ہے۔
انہوں نے کہا کہ غزہ اور لبنان میں جنگ بندی ہونی چاہیے
صدر جوبائیڈن کا کہنا تھا کہ امریکہ حزب اللہ، حماس، حوثیوں اوردوسرے ایرانی حمایت یافتہ دہشت گرد گروہوں کے خلاف اسرائیل کے حق دفاع کی مکمل حمایت کرتا ہے۔
جوبائیڈن کا کہنا تھا کہ وزیر دفاع لائیڈ آسٹن کو ہدایت کی ہے کہ وہ ایران کو مشرق وسطیٰ میں مزید کشیدگی سے روکنے کیلئے خطے میں امریکی فوج کی طاقت کو مضبوط کریں۔
امریکی صدر نے مزید کہا کہ امریکہ غزہ اور لبنان میں جاری تنازعات کو سفارتی ذرائع سے کم کرنا چاہتا ہے، یہ وقت ہے اسرائیل کو لاحق خطرات کو دور کرکے مشرق وسطیٰ میں استحکام قائم کیا جائے۔
دوسری جانب حسن نصراللہ کیہلاکت کے بعد امریکی وزیردفاع لائیڈ آسٹن نے اسرائیلی ہم منصب سے ٹیلیفونک رابطہ کیا اورخطے میں ایران کی پراکسیز کو روکنے پر زور دیا۔
