امریکہ کے صدر جو بائیڈن نے امریکی فوج کو حکم دیا ہے کہ ایران کے حملوں کے خلاف اسرائیل کی مدد کی جائے اور ایران کی طرف سے میزائلوں کو مار گرایا جائے۔
وائٹ ہاؤس کے مطابق، امریکہ کے صدر جو بائیڈن نے امریکی فوج کو حکم دیا تھا کہ اسرائیل کی مدد کی جائے اور ایران کی طرف سے داغے جانے والےمیزائلوں کو مار گرایا جائے۔
صدر جوبائیڈن نے کہا ہے کہ امریکہ اسرائیل کی مدد کے لیے تیار ہے تاکہ وہ ایران سے ہونے والے حملوں سے اپنا دفاع کرے۔
سماجی رابطے کی ویب سائٹ پر جاری بیان میں جوبائیڈن نے کہا کہ اسرائیل کو ایران کے حملوں کے خلاف دفاع میں مدد اور خطے میں امریکی فوجیوں کے تحفظ کے لیے تیار ہیں۔
انہوں نے کہا کہ ہم نے تبادلہ خیال کیا ہے کہ امریکہ کس طرح اسرائیل کو ان حملے کے خلاف دفاع میں مدد کرسکتا اور خطے میں اپنے عہدیداروں کا تحفظ کیسے کرسکتا ہے۔
جوبائیڈن نے اس سے قبل نائب صدر کملا ہیرس اور وائٹ ہاؤس کی قومی سلامتی کی ٹیم سے ملاقات کی تھی۔
