انگلش پریمیئر لیگ میں بورن ماؤتھ نے ساؤتھمپٹن کو شکست دیدی

انگلش پریمیئر فٹ بال لیگ کے دلچسپ مقابلے انگلینڈ میں جاری ہیں

وائٹلٹی اسٹیڈیم میں کھیلے گئے میچ میں بورن ماؤتھ نے عمدہ کھیل پیش کرتے ہوئے ساؤتھمپٹن کو شکست دے دی۔

یہ بورن ماؤتھ کی لیگ میں دوسری فتح ہے۔

میچ کےآغاز سے ہی بورن مائوتھ کی ٹیم حریف ساؤتھمپٹن پر حاوی ہوگئی اور اس کے گول پوسٹ پر تابڑ توڑ حملے کرنا شروع کر دیئے۔

ایونیلسن نے میچ کے 17ویں منٹ میں ایک گول کر کے اپنی ٹیم کو حریف پت 0-1 گول کی برتری دلادی۔

میچ کے 32 ویں منٹ پر ڈینگو اواتارا نے ایک گول کر کے 0-2 کر دیا۔

انٹونی سیمینیو نے میچ کے 39 ویں منٹ پر ایک گول کر کے اپنی ٹیم کی برتری کو بڑھاتے ہوئے 0-3 کر دیا جومیچ کے ہاف تک برقرار رہی۔

دوسرے ہاف کے آغاز پرساؤتھمپٹن کی ٹیم نے قدرے بہتر کھیل پیش کیا اور ساؤتھمپٹن کے ٹیلر ہاروڈ بیلس نے میچ کے 51 ویں منٹ پر ایک گول کر کے مقابلہ 1-3 کر دیا، جو میچ کے اختتام تک برقرار رہا۔

بورن ماؤتھ نے ساؤتھمپٹن کو ایک کے مقابلے میں 3 گول سے ہرا دیا۔