امریکہ کے محکمۂ خزانہ کی حماس پر مزید پابندیاں

امریکہ نے سات اکتوبر کے حملوں کو ایک سال مکمل ہونے پر فلسطینی عسکریت پسند تنظیم حماس پر مزید پابندیاں عائد کردی ہیں۔

امریکی محکمۂ خارجہ کے جاری کردہ بیان کے مطابق یہ پابندیاں حماس کے لیے رقوم جمع کرنے والے ایک نیٹ ورک کے خلاف عائد کی گئی ہیں۔

بیان میں کہا گیا ہے کہ یہ ’نام نہاد عطیات‘ کا نیٹ ورک حماس کے بڑے بین الاقوامی مددگاروں میں شامل ہیں۔

امریکی محکمۂ خارجہ کے مطابق غزہ میں قائم اس گروپ کے ’انتاج بینک‘ پر بھی پابندی عائد کی گئی ہے۔

محکمۂ خزانہ نے حماس کو مدد فراہم کرنے والے ترکیہ میں مقیم ایک یمنی بزنس مین اور ان کے نو کاروباری اداروں پر بھی پابندی عائد کی ہے۔