امریکی صدر جو بائیڈن اور ڈیموکریٹک صدارتی امیدوار کاملا ہیرس نے پیر کو ایک سال قبل اسرائیل پر حماس کے خونریز حملے اور اس کے نتیجے میں ہونے والی اسرائیلی کارروائی میں فلسطینی شہریوں کے بھاری جانی نقصان پر اظہارِ افسوس کیا۔
صدر بائیڈن نے اپنے بیان میں کہا کہ سات اکتوبر ہمیں اس دن ہونے والی سفاکیت کی یاد دلاتا ہے بلکہ ان زندگیوں کی یاد دہانی بھی کراتا ہے جن کی خوب صورتی اس دن چھین لی گئی۔
بائیڈن نے اپنے بیان میں مزید کہا کہتاریخ بھی سات اکتوبر کو اس تنازعے کی وجہ سے فلسطینی عوام کے لیے ایک سیاہ دن کے طور پر یاد رکھے گی جو حماس نے شروع کیا تھا۔”
انہوں نے کہااس سال تنازعات کے دوران بہت زیادہ شہریوں کو بہت زیادہ نقصان اٹھانا پڑا ہے۔
اپنے بیان میں ہیرس نے خود کو “گذشتہ ایک سال کے دوران غزہ میں ہونے والی ہلاکتوں اور تباہی کے پیمانے پر دل شکستہ” بھی قرار دیا۔
نائب صدر ہیرس نے کہا وہ سات اکتوبر 2023 کی ہولناکی کو کبھی نہیں بھولیں گی۔
انہوں نے ایک بیان میں کہا، “میں اسرائیلی عوام کے جانی نقصان اور درد سے بہت پریشان ہوں۔
غزہ کی پٹی میں اسرائیلی فوجی مہم میں 41 ہزار 909 سے زائد فلسطینی ہلاک ہو چکے ہیں جن میں اکثریت عام شہریوں کی ہے۔
