جرمن پولیس نے مغربی شہر ڈوسلڈورف میں ایک پیزا شاپ کے مالک کو گرفتار کیا ہے، جو پیزا کے ہمراہ مبینہ طور پر کوکین کی فروخت میں ملوث تھا۔
جرمن پولیس نے پیزا فروخت کرنے کے ساتھ کوکین فروخت کرنے والے ملزم کو گرفتار کرلیا ہے۔
پولیس کے مطابق یہ پیزا شاپ ڈوسلڈورف کے تاریخی قدیمی مرکزی حصے میں واقع تھی۔
پولیس کا کہنا ہے 36 سالہ پیزا شاپ مالک نے مبینہ طور پر اپنے مینیو میں خصوصی پیزا کے نام سے ایک پیزا شامل کر رکھا تھا
پولیس کو شک ہے کہ سب سے زیادہ بکنے والے پیزا میں کوکین فروخت کی جاتی تھی۔
پولیس نے بتایا کہ پیزا مالک کے گھر کی تلاشی کے لیے چھاپا مارا گیا تو اس نے اپنے گھر کی کھڑکی سے منشیات سے بھرا بیگ باہر پھینکا جو ٹھیک نیچے کھڑے پولیس اہلکار نے کیچ کر لیا۔
پولیس کا کہنا ہے ملزم کے قبضے سے ایک اعشاریہ چھ کلوگرام کوکین، چار سو گرام کینبیس اور دو لاکھ اڑسٹھ ہزار یورو نقد رقم برآمد کی گئی ہے۔
بتایا گیا ہے کہ ابتدائی تفتیش کے دوران منشیات فروش کرنے والے تین مبینہ سپلائرز اور اس معاملے سے جڑے بارہ دیگر افراد کا بھی پتہ چلا ہے۔
