4 کینیڈین پاکستانی خاندان کا قاتل مجرم قرار

کینیڈا میں پاکستانی خاندان کے چار افراد کے قتل کے الزام میں نیتھینیل ویلٹمین کو مجرم قرار دے دیا گیا۔

تفصیلات کے مطابق ملزم نے گاڑی سے کچل کر 46 سالہ سلمان افضال، ان کی 44سالہ اہلیہ مدیحہ سلمان، 15 سالہ بیٹی یمنہ اور 74 سالہ ماں طلعت افضال کو قتل کیا تھا جبکہ ان کا نو سالہ بیٹا شدید زخمی ہوا تھا۔

غیرملکی میڈیا کے مطابق 22 سالہ ملزم نے جون 2021 میں سلمان افضال کی فیملی پرگاڑی چڑھا دی تھی۔

22 سالہ ناتھینیل ویلٹمین کو عمر قید کا سامنا کرنا پڑ سکتا ہے، ملزم کو سزا سنانے کی تاریخ یکم دسمبر کو مقرر کی جائے گی۔

واقعے کے بعد ملزم پر قتل،اقدامِ قتل، دہشت گردی اور نفرت انگیز جرائم کے الزامات عائد کیے گئے تھے اور اسے واقعے کے چند گھنٹے بعد ہی گرفتار کر لیا گیا تھا۔