44
افغانستان میں طوفانی بارش اور برفباری میں پھنس کر 25 افراد ہلاک اور تیس لاپتہ ہو گئے۔
یہ واقعہ افغانستان کے مشرقی صوبے نورستان میں پیش آیا ہے۔
صوبائی شعبہ اطلاعات کے سربراہ جمیع اللہ ہاشمی نے بتایا ہے کہ برفانی طوفان نے صوبہ نورستان کے گاؤں میں زیادہ تباہی مچائی ہے۔ یہ گاؤں نورستانی وادی تاتین میں واقع ہے، جہاں اتوار کی رات تباہی ہوئی۔
برفانی طوفان کی وجہ سے اس علاقے میں تقریبا 20 گھر تباہ ہو گئے ہیں۔ اس علاقے میں طوفانی بارشوں سے بھی کافی نقصان ہوا ہے۔
ہاشمی نے مزید بتایا ہے کہ وہاں پر ہیلی کاپٹروں کا چلنا مشکل ہوگیا اور امدادی کارروائیوں میں مشکلات کا سامنا ہے۔ صوبہ میں پبلک ورکس کے سربراہ محمد نبی عادل نے کہا برفباری کی وجہ سے لوگوں کو بچانے کی کارروائیاں ممکن نہیں ہو رہی ہیں۔
