68
ورپی یونین بڑے افریقی عرب ملک مصر کو 8 ارب ڈالر سے زائد کا امدادی پیکج دینے کی تیاری کر رہی ہے تاکہ مصری معیشت کو غزہ میں اسرائیلی جنگ اور سوڈان میں جاری تصادم کے دوران سنبھالا دیا جا سکے۔
مصر کے حوالے سے یورپی یونین کو خدشہ ہے کہ دونوں طرف سے جنگی اثرات مصری معیشت کے بحران کو بڑھانے کا باعث بن سکتے ہیں۔
تاہم یہ واضح نہیں ہے کہ یہ پٌیکج پناہ گزینوں کی دیکھ بھال کی ضرورتوں کے لیے بھی ہے یا نہیں۔
یورپی کمیشن کی صدر ارسلا دیر لیین اس سلسلے میں اتوار کے روز مصری دورے پر پہنچنے کا ارادہ رکھتی ہیں۔ بتایا گیا ہے کہ یونان، اٹلی اور بیلجئیم کے وزرائے اعظم اس سلسلے میں امدادی پیکج کو حتمی شکل دیں گے اور ایک باضابطہ معاہدے کے تحت یہ خطیر رقم مصر کو فراہم کی جائے گی۔
