43
دبئی میں پولیس نے ایک ایشیائی بھکارن کو گرفتار کیا ہے جس کے پاس جادو ٹونے کے تعویذ اور نقوش پائے گئے جن کے بارے میں اسے یقین تھا کہ ان کے اثر سے لوگوں سے رقم حاصل کرنے میں مدد ملے گی۔
بریگیڈیئر علی سالم الشمسی نے بتایا کہ بھکارن کو رہائشی علاقے سے ‘کاغذات، اوزار، جادو ٹونے کے تعویذوں اور جادوئی نقاب’ کے ساتھ پکڑا گیا۔
بریگیڈیئر الشمسی نے کہا کہ گرفتاری میں سہولت کمیونٹی کے ایک رکن نے فراہم کی جس نے فرد کی اطلاع جنرل ڈیپارٹمنٹ آف آپریشنز کے کمانڈ اینڈ کنٹرول سنٹر کو دی۔
بریگیڈیئر الشمسی نے کمیونٹی کے ارکان پر زور دیا کہ وہ بھکاریوں کے ساتھ ہمدردی کرنے یا انہیں رقم فراہم کرنے سے گریز کریں۔
یاد رہے کہ متحدہ عرب امارات میں بھیک مانگنا جرم ہے۔