مقبول ہولی وڈ فلم ٹائٹینک میں ہیروئن (روز) کی جان بچانے والا لکڑی کا تختہ 7 لاکھ 18 ہزار 750 ڈالرز میں نیلام ہوگیا۔
1997 میں ریلیز ہونے والی فلم میں جیک، جس کا کردار لیونارڈو ڈی کیپریو نے ادا کیا، اور روز، جس کا کردار اداکارہ کیٹ ونسلٹ نے ادا کیا تھا، ٹائٹینک جہاز ڈوبنے کے بعد سمندر جاگرے تھے۔
تاہم جیک منجمد بحر اوقیانوس میں ڈوب کر مر جاتا ہے اور اس کی لاش سمندر کی گہرائیوں میں گم ہو جاتی ہے، جب کہ اس کی محبوبہ روز لکڑی کے تختے کا سہارا لے کر پانی میں تیر رہی ہوتی ہے۔
نیلام گھر ہیریٹیج آکشنز کے مطابق لکڑی کا یہ تختہ 1912 میں ٹائٹینک کے حادثے کے بعد نکالے گئے ملبے کے ایک ٹکڑے کی بنیاد پر بنایا گیا تھا۔
رپورٹ کے مطابق یہ تختہ تقریباً 8 فٹ طویل اور 41 انچ چوڑا ہے۔
نیلامی میں شامل دیگر سامان میں انڈیانا جونز اور ٹیمپل آف ڈوم کا کوڑا بھی شامل تھا جو 5 لاکھ 25 ہزار ڈالرز میں فروخت ہوا۔
