الیکشن کمیشن نے پاکستان کے ایوان بالا کی 30 خالی سیٹوں پر ہونے والے الیکشن کے نتائج جاری کردیئے ہیں
اسلام آباد سے ٹیکنوکریٹ کی نشست پر مسلم لیگ(ن) کے رہنما اور وزیر خارجہ اسحٰق ڈار نے 222 ووٹ حاصل کیے جبکہ ان کے مدمقابل انصر محمود نے 81 ووٹ حاصل کیے۔
اسلام آباد سے ہی جنرل نشست پر مسلم لیگ(ن) کے ہی رانا محمود الحسن نے 224 ووٹ حاصل کر کے جیت گئے
پنجاب اسمبلی میں سینیٹ انتخابات میں مسلم لیگ ن نےمیدان مارلیا، ٹیکنوکریٹس اور خواتین کی 2، 2 اور اقلیتوں کی ایک مخصوص نشست پر لیگی امیدوار کامیاب ہوگئے۔
پنجاب میں سینیٹ کی 12 نشستوں میں سے 10 مسلم لیگ ن اور 2 نشستیں سنی اتحاد کونسل کے نام رہیں۔
ٹیکنوکریٹس کی دو نشستوں پر وزیرخزانہ محمداورنگزیب 128 ووٹ اور مصدق ملک 121ووٹ لے کر کامیاب ہوئے، سنی اتحاد کونسل کی ڈاکٹر یاسمین راشد 106ووٹ حاصل کر سکیں ایک ووٹ مسترد بھی ہوا۔
خواتین کی دو مخصوص نشستوں پر مسلم لیگ ن کی انوشہ رحمان نے 125 اور بشری انجم بٹ نے 123ووٹ حاصل کر کے کامیابی اپنے نام کی ۔سنی اتحاد کونسل کی صنم جاوید 102ووٹ حاصل کرسکیں، 6 ووٹ مسترد بھی ہوئے۔
اس کے علاوہ اقلیتی نشست پر خلیل طاہر سندھو کامیاب قرار پائے ، انہوں نے 253 ووٹ حاصل کیے ۔
سنی اتحاد کونسل کے آصف عاشق صرف 99 ووٹ حاصل کر سکےاور 4 ووٹ مسترد ہوئے۔
پیپلزپارٹی نے سندھ سے سینیٹ کی 10نشستیں جیت لیں۔ جبکہ متحدہ قومی موومنٹ پاکستان اور آزاد امیدوار فیصل واوڈا نے ایک ایک نشست حاصل کی۔
الیکشن کمیشن بلوچستان اورپنجاب کی خالی نشستوں پر 18 امیدواروں کے بلامقابلہ منتخب ہونے کا نوٹیفکیشن پہلے ہی جاری کر چکا ہے
