بنگلا دیشی رکن اسمبلی بھارت میں لاپتہ، پولیس کو قتل کا شبہ

بنگلا دیش کی اسمبلی کے رکن انوار العظیم بھارت میں لاپتہ ہوگئے۔

بنگلا دیش کی اسمبلی کے رکن انوار العظیم کا تعلق حکمران جماعت عوامی لیگ سے ہے اور وہ علاج کی غرض سے 12 مئی کو بھارتی ریاست مغربی بنگال پہنچے تھے۔

رکن اسمبلی انوار العظیم 12 مئی کو مغربی بنگال میں اپنے دوست بسواس کے گھر کلکتہ پہنچے تھے جہاں سے وہ 2 دن بعد لاپتہ ہوگئے جس پر ان کے دوست نے پولیس میں شکایت درج کروائی۔

پولیس کے مطابق رکن اسمبلی کا موبائل بھی بند جارہا ہے، پولیس کو خدشہ ہےکہ انہیں قتل کردیا گیا ہے اور ان کی لاش کو کلکتہ کے نیوٹاؤن کے علاقے میں کہیں دفن کیا گیا ہے۔

رپورٹس کے مطابق رکن اسمبلی انوار العظیم کے اہل خانہ نے اس معاملے کو بنگلادیشی وزیراعظم شیخ حسینہ واجد کے سامنے بھی اٹھایا ہے۔