35
روس نےگزشتہ روز کریمیا میں ہونے والے یوکرینی میزائل حملےکی ذمہ داری امریکہ پر عائد کردی ہے۔
روس کی جانب سے امریکی سفیر کو دفترخارجہ طلب کیا گیا اور جوابی اقدامات کی دھمکی بھی دی گئی ہے۔
روسی وزارت داخلہ کا کہنا ہے کہ کریمیا میں ہونے والے حالیہ حملوں کے پیچھے امریکہ ہے، جبکہ روسی وزارت دفاع کا کہنا ہے کہ یوکرین نے حملے میں واشنگٹن کے فراہم کردہ کلسٹر بموں کا استعمال کیا۔
روسی وزارت دفاع کے مطابق کلسٹر وار ہیڈز سے لیس امریکہ کے فراہم کردہ آرمی ٹیکٹیکل میزائل سسٹم (ATACMS) کے 4 میزائلوں کو فضائی دفاعی نظام نے مار گرایا تھا تاہم پانچویں میزائل کا گولہ بارود فضا ہی میں پھٹ گیا تھا۔
خیال رہے کہ گزشتہ روز روس کےزیرکنٹرول علاقے کریمیا میں یوکرین کے میزائل حملے میں 2 بچوں سمیت 4 افراد ہلاک ہوگئے تھے۔
