یوکرین کا روس پر 100 سے زائد ڈرونز سے حملہ

یوکرین نے روس کے دارالحکومت ماسکو سمیت دیگر علاقوں پر 100 سے زائد ڈرون طیاروں سے حملہ کردیا

یوکرین نے رات گئے روس کے مختلف شہروں کو ڈرونز سے نشانہ بنایا

روس کی افواج نے یوکرین کے 144 ڈرون طیاروں کو مار گرنے کا دعوی کیا ہے۔

روسی حکام کے مطابق یوکرین کی جانب سے بھیجے گئے ڈرون طیاروں میں سے 20 ماسکو کی فضا میں بھی داخل ہوئے جنہیں ڈیفنس سسٹم نے مار گرایا مگر اس دوران ایک ناکام بنائے گئے ڈرون کی باقیات ایک عمارت سے ٹکرانے کے باعث ایک خاتون ہلاک ہوگئی۔

یوکرین کے حملے کے بعد دارالحکومت ماسکو کے 3 ائیرپورٹس سے فلائٹس کی روانگی اور آمد کو جزوی طور پر معطل کیا گیا اور 48 فلائٹس کو دیگر ائیرپورٹس کی طرف موڑ دیا گیا ہے