ایران نے حالیہ اسرائیلی فوجی اہداف پر حملوں کے حوالے سے بڑے دعوی کردیئے۔
ایران کی جانب سے دعویٰ کرتے ہوئے کہا گیا ہے کہ اسرائیل پر میزائل حملوں میں ایف 35 لڑاکا طیارے بڑے تعداد میں تباہ ہوئے ہیں۔
تہران میں ایک پریس کانفرنس کے دوران ایرانی انقلابی گارڈز کے مشیر بریگیڈئیر جنرل ابراہیم جباری نے کہا کہ یکم اکتوبر کو ایران نے اسرائیلی حکومت کے خلاف جو میزائل فائر کیے ان میں سے 90 فیصد نے کامیابی کیساتھ اہداف کو نشانہ بنایا۔
پریس کانفرنس میں ابراہیم جباری کا کہنا تھا کہ ایرانی حملے میں کئی اسرائیلی ایف 35 لڑاکا طیارے تباہ ہوئے۔
انہوں نے مزید بتایا کہ میزائل حملوں کے دوران سائبر اور الیکڑانک وارفیر حملوں کے ذریعے 90 فیصد میزائل نشانے پر لگے تھے۔
واضح رہے کہ ایران نے حماس رہنما اسماعیل ہنیہ اور حزب اللہ کے سربراہ حسن نصر اللہ کے قتل کا بدلہ لینے کے لیے اسرائیل پر 190 میزائل داغے تھے جس میں اسرائیل کی تین ائیر بیسز اور فوجی تنصیبات کو نشانہ بنایا گیا تھا۔
ایران کی القدس فورس نے اسرائیل پر حملے میں 90 فیصد اہداف کو کامیابی سے نشانہ بنانے کا دعویٰ کیا تھا
اسرائیل کا کہنا ہے کہ ایران کے زیادہ تر میزائل تباہ کر دیے تھے۔
