تائیوان کی سیمی کنڈکٹر مینیوفیکچرنگ کمپنی ٹی ایس ایم سی نے اعلان کیا کہ ان کی کمپنی آنے والے برسوں میں امریکہ میں 100 ارب ڈالر کی اضافی سرمایہ کاری اور پانچ اضافی چپ فیکٹریاں بنانے کا ارادہ رکھتی ہے ۔
کمپنی کے سی ای او نے یہ اعلان وائٹ ہاؤس میں صدر ڈونلڈ ٹرمپ کے ساتھ ایک میٹنگ کے دوران کیا ۔
ٹرمپ نے اس موقع پر کہا ہمیں چپس اور سیمی کنڈکٹر بنانے کے قابل ہونا چاہیے جس کی ہمیں یہاں ضرورت ہے ۔
انہوں نے مزید کہا یہ ہماری قومی سلامتی کا معاملہ ہے ۔
ٹی ایس ایم سی دنیا میں چپ بنانے والی سب سے بڑی کمپنی ہے۔ یہ کمپنی امریکہ کی ہارڈ وئیر بنانے والی کمپنیوں کو سب سے زیادہ چپ فراہم کرتی ہے ۔
ایک سو ارب ڈالر کی یہ سرمایہ کاری امریکی پروڈکشن کو فروغ دے گی اور ایشیا میں بننے والے سیمی کنڈکٹرز پر امریکہ کانحصار کم کرے گی۔
پانچ نومبر کے انتخابات میں اپنی کامیابی کے بعد سے ٹرمپ نے روزگار پیدا کرنے کے لیے ملکی صنعتوں میں سرمایہ کاری کو بڑھانے کی کوششوں میں اضافہ کر دیا ہے ۔
