ہیوسٹن کراچی سسٹر سٹی ایسوسی ایشن کے صدر سعید شیخ نے اپنے دورہ پاکستان کے دوران کراچی پریس کلب کا دورہ کیا، جہاں کلب کے صدر فاضل جمیلی اور سیکریٹری جنرل سہیل افضل خان، گورننگ باڈی کے رکن قاضی محمد یاسر نے ان کا استقبال کیا۔
سعید شیخ نے اپنے خطاب میں بتایا کہ ہیوسٹن اور کراچی کے درمیان سسٹر سٹی کا رشتہ 2009 میں قائم ہوا تھا۔
انھوں نے بتایا کہ جنوبی ایشیا سے کراچی واحد شہر ہے جس کو ہیوسٹن کی سسٹر سٹی کا اعزاز حاصل ہے۔
اُن کا کہنا تھا کہ بیرون ملک مقیم پاکستانی، بالخصوص ہیوسٹن میں مقیم کمیونٹی، پاکستان کی معاشی بہتری میں عملی کردار ادا کر رہی ہے۔
سعید شیخ نے مزید بتایا کہ ہیوسٹن کراچی سسٹر سٹی ایسوسی ایشن نے شہر میں آر او پلانٹس کے قیام اور ضرورت مند علاقوں و اسپتالوں میں ادویات کی فراہمی سمیت کئی منصوبے پر کام کیا ہے۔
ان کا کہنا تھا کہ ایسوسی ایشن ہیوسٹن میں زیر تعلیم پاکستانی طلبہ کو اسکالرشپس بھی فراہم کر رہی ہے، اور حال ہی میں یونیورسٹی آف ہیوسٹن میں کراچی کے طالب علموں کے لیے مستقل اسکالرشپ پروگرام شروع کیا گیا ہے۔
اس موقع پر کراچی پریس کلب کی جانب سے سعید شیخ کو اجرک کا تحفہ پیش کیا گیا، جبکہ انہوں نے ہیوسٹن سٹی انتظامیہ کی طرف سے ایک یادگاری شیلڈ کلب کو پیش کی۔ بعد ازاں سعید شیخ کو پریس کلب کے مختلف حصوں کا دورہ بھی کرایا گیا، جہاں وہ اراکین سے گھل مل گئ
