کولمبو میں سری لنکا نے ٹاس جیت کر پہلے بیٹنگ کا فیصلہ کیا جو تباہ کن ثابت ہوا۔
پہلے اوور کی تیسری گیند پر جسپریت بمراہ نے کوشل پریرا کو لوکیش راہُل کے ہاتھوں کیچ آؤٹ کروایا، وہ کوئی رن نہ بنا سکے۔
میچ کا چوتھا اوور سری لنکن ٹیم کے لیے ڈراؤنا خواب بن گیا۔ محمد سراج نے پہلی گیند پر پاتھم نسانکاکو چلتا کیا۔تیسری گیند پر سدیرا سماراوکراما کا بھی کام تمام کردیا۔اگلی ہی گیند پر سراج نے چاتھ اسالانکا کو بھی پویلین بھیج دیا۔اوور کی آخری گیند پر دھننجیا ڈی سلوا کو بھی واپسی کا پروانہ تھماتے ہوئے ایک اوور میں چار وکٹیں حاصل کیں۔
Watch The Greatest Spell of Mohammed Siraj 💥
Don't Miss The Celebration Of Captain Rohit Sharma In The End 🦁 #Siraj #INDvsSLpic.twitter.com/JFYC3Dgg4c
— Immy² (@BeingImRo45) September 17, 2023
سری لنکن ٹیم کی مشکلات میں ابھی کمی ہوئی بھی نہ تھی کہ سراج نے ایک اور کاری ضرب لگاتے ہوئے اپنے اگلے اوور میں داسن شناکا کا کام بھی تمام کردیا۔
اسکور 33 تک پہنچایا ہی تھا کہ مینڈس کی ہمت جواب دے گئی اور سراج نے ایک مرتبہ پھر بہترین کاریگری دکھاتے ہوئے چھٹی وکٹ اپنے نام کر لی۔
وکٹوں کی بہتی گنگا میں ہاتھ دھونے کے لیے ہردک پانڈیا میدان میں اترے اور بقیہ تینوں وکٹیں اپنے نام کر کے سری لنکن ٹیم کی بساط 50 رنز پر لپیٹ دی۔
سری لنکا کی پوری ٹیم صرف 50 رنز بنا کر ڈھیر ہو گئی جو ناصرف ایشیا کپ بلکہ بلکہ ون ڈے کرکٹ کی تاریخ کے کسی بھی فائنل کا اب تک کا سب سے کم اسکور ہے۔
بھارت نے ہدف کا تعاقب شروع کیا تو بھارتی بلے بازوں کو کسی بھی قسم کی مشکل پیش نہ آئی اور انہوں نے اپنی ٹیم کو ساتویں اوور کی پہلی ہی گیند پر فتح سے ہمکنار کرا کر 10 وکٹوں کی شاندار کامیابی کے ساتھ ساتھ نیا ایشین چیمپیئن بھی بنا دیا۔
محمد سراج کو ان کی عمدہ باؤلنگ پر میچ کا بہترین کھلاڑی قرار دیا گیا۔
یہ ون ڈے کرکٹ کی تاریخ کا سب سے کم اوور میں ختم ہونے والا فائنل میچ ہے۔
