بھارت میں کینیڈین شہریوں کیلئے ٹریول ایڈوائزری جاری، محتاط رہنے کی ہدایت

کینیڈا کی حکومت نے سکھ رہنما ہردیپ سنگھ نجار کے مبینہ قتل پر دونوں ممالک کے درمیان جاری تنازعے کے پیش نظر ہندوستان میں موجود اپنے شہریوں کے لیے حفاظتی ایڈوائزری جاری کی ہے۔

کینیڈین حکومت کی ویب سائٹ پر جاری ایڈوائزری میں ہندوستان میں رہنے والے کینیڈین شہریوں پر زور دیا گیا ہے کہ وہ ”پورے ملک میں دہشت گردانہ حملوں کے خطرے کے پیش نظر ہندوستان میں انتہائی احتیاط برتیں۔

ایڈوائزری میں مزید کہا گیا کہ حکومت کو شہریوں کی حفاظتی اور سلامتی سے متعلق کچھ خدشات ہیں اور صورت حال تیزی سے بدل سکتی ہے۔ ہر وقت بہت محتاط رہیں، مقامی خبروں پر نظر رکھیں اور مقامی حکام کی ہدایات پر عمل کریں۔