کھانسی کے شربت کی وجہ سے متعدد ممالک میں ہونے والی اموات کے پیش نظر امریکا کے خوراک اور ادویات کے ادارے فوڈ اینڈ ڈرگ ایڈمنسٹریشن نے کمپنیوں کو اپنی مصنوعات میں لا پرواہی پر انتباہ جاری کیا ہے۔
ایف ڈی اے نے ادویات کی در آمد پر جاری کیے جانے والے انتباہ کے بعد اپنی رپورٹ میں بتایا کہ رواں سال 28 کمپنیوں کی سرزنش کی گئی ہے۔
رپورٹ میں کہا کہ کمپنیاں ڈاکٹر کی ہدایت کے بغیر فروخت ہونے والی ادویات اور صارفین کے استعمال ہونے والی مصنوعات میں زہریلے اجزا ، ایتھیلین گلائکول اور ڈائنتھیلین گلائکول کی مناسب ٹیسٹنگ درست طرح سے نہیں کی گئی ہے۔
امریکا سمیت بھارت ، جنوبی کوریا ، سوئٹزر لینڈ ، کینیڈا اور مصر سے مصنوعات برآمد کرنے والی 28 کمپنیوں کو انتباہی خطوط بھیجے گئے ہیں۔
وارننگ میں کہا کہ اگر ان کمپنیوں نے اپنے ٹیسٹنگ کے طریقے بہتر نہ کیے، تو ان کی تمام مصنوعات کی برآمد یا در آمد بند کر دی جائے گی
بھارت اور انڈو نیشیا میں تیار کیے جانے والے کھانسی کے شربت سے دنیا بھر میں 300 سے زیادہ بچوں کی ہلاکت ہوئی ہے۔ ان ادویات میں ڈی ای جی اور ای جی کی بہت زیادہ مقدار تھی، جو گردوں کے شدید زخم اور موت کا باعث بنی تھی۔
